རང་ཉིད་མཚམས་སྦྱོར།

ངའི་མིང་ལ་སྒྲོལ་མ་ཟེར་ལ་ཕ་ཡུལ་མཚོ་སྔོན་འབའ་རྫོང་གི་ཡིན། མཚོ་སྔོན་རླུང་བརྙན་འཕྲིན་ཁང་དུ་ལེ་ཚན་འགོ་འཛིན་དང་གསར་འགོད་པའི་ལས་ཀ་ལོ་ངོ་བཅུ་དྲུག་རིང་བསྒྲུབས།༢༠༡༣ལོ་ནས་ད་ལྟའི་བར་དུ་ཧྥ་རན་སིར་སྤྱི་ཚོགས་ཞབས་ཞུ་བའི་ལས་ཀ་གཉེར་བཞིན་ཡོད།

སྐར་ཁུང་ལེ་ཚན་མཚམས་སྦྱོར།

སྐར་ཁུང་ལེ་ཚན་ནི། ཁྲིམས་མཐུན་གྱི་སྒོ་ནས་བོད་མདོ་དབུས་ཁམས་གསུམ་ལ་ཁ་ཕྱོགས་ཏེ་མི་སྒེར་གྱི་ཐོབ་ཐང་སྲུང་སྐྱོབ་དང་བསམ་བློའི་གོ་རྟོགས་འཕེལ་རྒྱས་སུ་གཏོང་བར་དམིགས་ནས་སྒྲུབ་པའི་སྒྲ་ལྡན་རང་བཞིན་གྱི་ལེ་ཚན་ཞིག་ཡིན།
སྐར་ཁུང་ལེ་ཚན་སྐབས་དང་པོ། དེང་སྐབས་ལག་ལེན་ལ་བསྟར་བཞིན་པའི་སློབ་གསོའི་ཐབས་ལམ་དང་པོ་ནས་གཉིས་བར་བསྒྱུར་བའི་སྲིད་ཇུས་དེས་བོད་སྐད་ཡིག་གི་ཉམས་ཆག་ལ་ཐེབས་པའི་ཤུགས་རྐྱེན་སྐོར་ནས་གླེང་མོལ་བྱས་ཡོད།